Jisam Farosh KAwateen Ka Sehar |جسم فروش خواتین کا شہر

Thailand ke mashriqi saahil par waqay City Pattaya ko duniya ka jinsi dar-al-hakoomat kaha jaye to ghalat nah hoga kyunkay is shehar ka har panchawan fard aik jism farosh khatoon hai.
Agarchay yahan koi tareekhi ya qabil zikre sayahati maqamat nahi hain lekin is ke bawajood har saal 10 laakh se zayed mard is shehar ka rukh karte hain, jin ka wahid maqsad is gunah ki bastii ke nazare dekhna hota hai.
Di mirror ki report ke mutabiq is chhootey se shehar mein 27 hazaar se zayed jism farosh khawateen bastii hain.
Shehar ka beshtar hissa qahba khaanoon prmshtml hai jahan 24 ghantay gunah ka kaarobar jari rehta hai.
Es shehar mein be hiyai ki sareaam tashheer par bhi koi pabandi nahi, lehaza sarkon par rangeen roshiniyon mein nahaye hue ishtiharaat mein aisi Haya sooz tasaveer aur alfaaz nazar atay hain ke jinhein dekh kar ensaan sharam se be haal hojaye.
Dilchasp baat yeh hai ke Thailand ke qanoon ke mutabiq jism faroshi ghair qanooni feal hai, lekin Pattaya shehar ki gumraahi aur sar kashi ke samnay sab qanoon dam toor dety hain.
Insani haqooq tanzeemon ka kehna hai ke is shehar mein no umar larkiyon ki barri tadaad ko bhi jism faroshi ke dhnde mein istemaal kya ja raha hai.
Es kalay dhnde ko band krwane ke liye bohat koshishen ki gayi hain, lekin be sood.
Bataya jata hai ke Thailand ki hukoomat khud hi is sharamnaak dhnde ke khatmay mein sanjeeda nahi kyunkay yahan anay walay lakhoon ghair mulki sayah jibin noton se bhar kar atay hain, aur har saal karorron dollar yahan luta kar jatay hain.